Моабет со Борче Стаменов, креаторот на "Донирај компјутер" ↓↓↓
Taboo е насловот на најавениот филмски хит во формат на мини-серијал во продукција на BBC, кој со здружени сили го креираа Стивен Најт, Том Харди и неговиот татко, Чипс Харди.
Десетина дена пред премиерата BBC го објави новиот трејлер за мини-серијалот кој сигурно љубителите на британскиот филм ќе ги „прикова“ за фотелјите.
Приказната раскажана во осум епизоди е посветена на авантуристот кој го игра Том Харди, а кој се враќа од Африка во Велика Британија после долго отсуство, барајќи освета за смртта на својот татко. Останатите улоги ги толкуваат Оона Чаплин, Дејвид Хајман, Мајкл Кели, Џоната Прајс и други, а еден од извршните продуценти е неодминливиот Ридли Скот.
Премиерата е закажана за 7 јануари, на ВВС, а на американскиот FX првата епизода ќе биде емитувана на 10 јануари, 2017.