Диск голф го освојува светот, а го нема во Македонија!? ↓↓↓
Познатиот Музеј на еротика во Париз се затвара, па поради тоа се организира аукциска продажба на експлицитните изложбени предмети од кои за мнозинството се уметнички дела на светски познатите сликари и вајари.
Од шумата машки гениталии до објекти од Јужна Африка, темелени на женските гениталии, на оваа голема аукција се продаде се што беше понудено со секој нов удар со чеканот.
Поголемиот дел од двете илјади колекции се со потекло од Азија, вклучувајќи го и најстариот предмет – мермерната плоча на индискиот бог Вишна од тантричкиот индиски храм, што потекнува од 18-от век.
Во аукцијата се вклучени и цртежи и фотографии од „Убавата епоха“ на Париз во 19-от век, кога овој град важеше за светска престолнина на задоволствата.
Во Музејот се наоѓаа и предмети од француските легални бордели што биле затворени по Втората светска војна.
– Многу луѓе дојдоа со надеж дека ќе дојдат до некој сувенир за себе од овој Музеј, што никогаш нема да биде заборавен, изјави аукционерот Бертранд Корнет.
Делото на Салвадор Дали, рељефната слика „Млада девица која се содомизира со роговите на сопствената чедност“, е продадена за 30.608 евра, а сликата „Мона Лиза во топлес“ за малку повеќе од 13.000 евра.
Цртежите што ги правел Џорџ Волински, еден од карикатуристите кој бил убиен во текот на нападите врз новинарите на сатиричното списание „Шарли Ебдо“, исто така се најдоа на аукција.
Единствениот француски еротски музеј мора да се затвори затоа што сопственикот на зградата одлучи да не го обновува договорот за закуп, а не може да се најде некој друг соодветен простор каде може да го собере целиот музеј.
Сопствениците на музејот, Џо Калиф и Алејн Плум, поранешен порно-актер кој го основа музејот пред 18 години, рече дека падот на бројот на посети на туристите и зголемената цена на киријата го довеле музејот до неговиот крај.
