Диск голф го освојува светот, а го нема во Македонија!? ↓↓↓
Експертите често ги нарекуваат цревата „втор мозок“ на нашето тело.
Ова не е случајно, бидејќи е докажано дека цревата влијаат на различни функции, како што е варењето, и имаат јасни ефекти врз нашето расположение. Факт кој го објаснува и големиот процент на пациенти со хронични цревни проблеми кои патат од депресија и анксиозност. Експертите инсистираат дека патот до посреќно секојдневие води низ здравото црево. Тоа е затоа што цревата се клучен дел од дигестивниот систем и делуваат како „порта“ за сите болести. И како што често се случува, малите дневни навики, дури и ненамерните, можат значително да го нарушат здравјето на цревата.
Недостаток на разновидност во исхраната
Општо земено, богатата и разновидна исхрана се смета за идеална за здравјето на цревата. Исхраната која се состои од широк спектар на храна може да доведе до подобра цревна флора. Всушност, промената во исхраната може да го промени профилот на флората по само неколку дена.
Недостаток на прoбиотици
Пробиотиците се вид на влакна кои го поттикнуваат растот и активноста на пријателските цревни бактерии. Многу намирници, вклучувајќи овошје, зеленчук и цели зрна, содржат пробиотски влакна. Нивниот недостаток во исхраната може да биде штетен за општото здравје на дигестивниот систем. Храна со висока содржина на пробиотици е:
- Мешунките
- банани
- Артишок
- Аспарагус
- Јаткасти плодови
Стресот сериозно ги оштетува вашите црева
Да се биде здрав не е само исхрана, физичка активност и соодветен сон. Високото ниво на стрес исто така може да има штетни ефекти врз телото. Стресот може да ја зголеми чувствителноста на цревата, да го намали протокот на крв и да ги промени цревните бактерии. Истражувањата покажаа дека различните видови на стрес може да ја намалат разновидноста на цревната флора, што значително влијае на нејзиното здравје.
Нема доволно сон
Квалитетниот сон е многу важен за општото здравје. Истражувањата покажуваат дека недостатокот на сон е поврзан со многу болести, вклучително и дебелината и срцевите заболувања. Спиењето е толку важно што нашето тело има свој биолошки часовник, познат како деноноќен ритам.
Тоа е внатрешен 24-часовен часовник кој влијае на мозокот, телото и хормоните. Може да не држи будни, но исто така може да му каже на нашето тело кога е време за спиење. Цревата, исто така, се чини дека следат дневен деноноќен ритам. Нарушувањето на „телесниот часовник“ поради недостаток на сон може да има и негативни ефекти врз здравјето на цревата.
Недостаток на редовна физичка активност
Физичката активност се дефинира како секое движење на телото кое бара енергија. Одење, градинарство, пливање и возење велосипед се примери за физичка активност. Како што видовме, физичката активност нуди бројни здравствени придобивки, како што се губење на тежината, пониски нивоа на стрес и намален ризик од хронични болести. Покрај тоа, студиите покажуваат дека физичката активност исто така може да ги промени цревните бактерии, подобрувајќи го здравјето на цревата.
