Според неофицијални информации на кои се повикува и ги пренесува Фокус, 24-годишно момче од Крива Паланка починало од Ковид 19 на скопската Клиника за инфективни болести.
Според нивните информации, момчето пред десетина дена правело свадба, но никој не кажува како и од каде се заразило.
Од министерство за здравство ги потврдиле информациите на „Фокус“ дека денеска на Инфективната клиника починало 24-годишното момче.
„Точно е дека момчето починало на Клиниката за инфективни болести. Не бил вакциниран. Тоа ќе биде објавено во утрешниот извештај на министерството за здравство. Момчето имало прекумерна телесна тежина – истакнаа од ресорното министерство.
Тоа што е најстрашно во целата приказна, е што во последниот период се повеќе млади луѓе се на удар на Ковид 19. Пред само два дена на Клиниката за инфективни болести во Скопје почина 15-годишно девојче од тетовското село Селце.
