Александар Вучковски - сомелиер: Како македонските вина го освојуваат светот? ↓↓↓
Славниот велосипедист Мајкл Штрасер е првиот спортист од неговата фела кој се приклучи на кампањата иницирана од Обединетите Нации наречена „Планински херои”, посветена на животната средина.
Штрасер веќе две недели активно вози велосипед со намера да ја оствари неговата голема цел – воспоставување на нов светски рекорд на возење велосипед од Алјаска до Патагонија преку најдолгиот копнен пат. Но, експедицијата долга 23.000 километри не е само за огромните подвизи на сила и издржливост. Штрасер, исто така, сака да покаже како личниот избор на превоз може да ги ублажи климатските промени.
Архитект по професија, Штрасер ја започна својата експедиција на 23 јули. Австрискиот велосипедист сега ја преминува Канада и ги информира следбениците и соработниците на неговото патување во реално време. Јавноста може да следи колку време поминува на велосипед, како и детали за оддалеченоста и надморската височина.
Во едно од своите кратки известувања тој напиша: „Вчера, на пример, тој проклет чад се врати во утринските часови во првите два часа”, осврнувајќи се на шумски пожар што избувнал близу неговата патека. „И тогаш, додека бев уште лут поради лошите патишта, се појави мала црна мечка на страната од патот и ме израдува”.
Велосипедистот се надева дека ќе инспирира акција за заштита на планинските екосистеми, кои обезбедуваат слатки води низ целиот свет и се дом на разновидни растенија и животни.
Зголемувањето на загадувањето и влијанието на климатските промени драстично влијаат врз овие деликатни планински екосистеми. Глечерите низ кои патува Штрасер се намалени за речиси една третина од 1960-тите години, прикажувајќи видлива загуба во мразот и снежната покривка. Заедно со кревката биолошка разновидност во овие области, повлекувачките глечери служат како еден од најсигурните извори на свежа вода за пиење на Земјата. Климатските промени диспропорционално влијаат на овие планински региони, како и на Арктикот и Антарктикот.
„Би ми значело многу ако можам да го мотивирам секој поединец кој ме следи, понекогаш да вози велосипед наместо автомобил”, рече Штрасер.
„Ако мојот обид е да поминам 23.000 километри и 185.000 вертикални метри со велосипед, тогаш секој може да управува со еден или друг километар во нивниот секојдневен живот. Мислам дека ако сите ние придонесеме со нешто дури и мало, може да се создаде нешто големо од тоа“.
