Александар Вучковски - сомелиер: Како македонските вина го освојуваат светот? ↓↓↓
Општина Валандово на 20 август годинава ќе спроведе референдум, на кој жителите ќе се изјаснуваат за продолжување или стопирање на работата на рударскиот комплекс „Казандол“, како и за тоа дали да се отворат нови рудници за металични минерални суровини.
Одлуката за референдумот денеска на итна седница ја потврди Советот на општина Валандово, информираат од иницијативата „Спас за Валандово“.
Ова е втора одлука за референдумско изјаснување на советниците на Валандово, откако претходно градоначалникот на Општина Валандово, Николче Чурлиновски, првичната одлука на Советот за распишување на локален референдум одлучи да ја запре.
Претходно на референдум Гевгелија и Богданци се изјаснија против отварањето рудници, а Дојран ќе се изјасни на 23 јули.
