Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Автомобилскиот производител „SSC“ го претстави суперавтомобилот „Tuatara“, кој може да се пофали со импресивни 1.750 коњски сили.
„SSC Tuatara“ имаше долг пат до производство, затоа што првобитно е најавен пред скоро 10 години, но одредени потешкотии го одложија неговото производство, а со тоа и испораката до купувачите.
Тоа се промени минатата година, кога компанијата „SSC“ го покажа својот прв автомобил на саемот во Филаделфија. Тоа воедно е и првиот од 100 примероци од суперавтомобилот „Tuatara“.
Автомобилот има 5.9 литарски „V8“ твин-турбо мотор кој развива 1.750 коњски сили а таа сила се пренесува на тркалата со помош на роботизиран седмостепен менувач кој ги менува степените на брзина за помалку од 100 милисекунди. Автомобилот е тежок 1.247 килограми.
Каросеријата е направена од карбонски влакна а на дизајнот и аеродинамиката работеше Џејсон Кастриота кој дизајнирал и за Ferrari и Maserati.
Во внатрешноста се наоѓа цел систем со екран чувствителен на допир, клима уред, врвен аудио систем…
Споменатиот екран овозможува пристап до разни типови на возење, дијагностика на возилото, забавен систем и слично. Зад управувачот се наоѓаат рачки за промена на брзините а на управувачот има и светлосен индикатор.
„ SSC“ ќе произведе вкупно 100 примерока од суперавтомобилот „Tuatara“. Цената за сега не е објавена, но се зборува дека ќе чини околу 1,3 милиони долари.
Ова е важен модел за „SSC“ затоа што е наследник на моделот „SSC Ultimate Aero“, некогашниот најбрз автомобил на светот според Гинисовата книга на рекорди.
„Tuatara“ наводно може да достигне брзина од 483 км/ч.
