Заминувањето на легендите: Омејер и Нарцис кажаа збогум на репрезентативниот дрес


Вака се слави гол во 120-та минута!!! ↓↓↓


Легендарниот голман Тиери Омејер и левиот бек Даниел Нарцис и официјално кажаа „збогум“ на репрезентацијата на Франција.

После Олимписките игри во Рио минатата година, и двајцата најавија дека ќе одиграат уште едно светско првенство на кое Франција беше домаќин на почетокот од оваа година, па по освојувањето на златото не можеа да посакаат подобар начин за збогување со репрезентативниот дрес.

Омејер (40), веројатно најдобриот ракометен голман на сите времиња, за репрезентацијата на Франција играше од 1999 година и освои три олимписки медали, две злата и едно сребро, пет светски првенства и три европски титули. На 356 натпревари постигна и 4 гола.

Даниел Нарцис (37) во француската репрезентација дојде една година после Омејер, а настапи 309 пати, постигнувајќи дури 912 гола. Ги освои истите титули како Омејер, освен едно светско злато во 2011 година.