Екстра

Враќање на Баба Планина – есенско уживање на планинските импресии


Планинарска тура Љубојно – Големо Езеро – Љубојно. Фантазмагории од бои, сцени, мотиви и импресии по преспанските падини на Баба Планина. Нам веќе драга и омилена дестинација – премин од Преспа кон пелагонискиот крај преку подпелистерските дразби – средно тешка планинарска тура со фино маркирана траса со релативно редовна и добра маркација. Многу облаци, многу шумски пејзажи, многу врвови, вода, магли, сонца и многу есен…многу есен. Баба – како стара мудрост, мистична и моќна.

ljubojno1

Фино средени патоказни табли, со релативно непрецизни сатници, барем според нас – се движевме со средно опуштено темпо, повеќе попатни паузи за закрепнување и освежување, за мезе и берење плодови, и сето тоа никако не се вклопуваше во бројките од патоказите. Независно, маркациите за мерак и за поздрав.

ljubojno2

Висовите на Баба мистериозно затворени, без најава што ни приредуваат како гостопримство.

ljubojno3

Атмосфера на готика по и над падините – облаците и планината го играат танцот на дивоста.

ljubojno4

Колоритна симфонија на есента – палетата на природата нуди најфини бои.

ljubojno5

Епските сцени секогаш омилени – екипата во планинарски аџилак по Баба.

ljubojno6

Како по принципот на превезот на Maya – секое разоткривање на видикот зад ниските облаци и маглата нудеше ново искуство на старата вистина – прв визуелен контакт со раскошноста на преспанските води.

ljubojno7

Дрочната штедрост на природата – кој знае да ја ужива и користи, облагороден е.

ljubojno8

Жестока динамика и интензитет на воздушни струења и облачни импресии.

ljubojno9

За нагоре да влеземе во магловито-дождлив бран кој царуваше на повискоите делови.

ljubojno10

Услови кои ќе не следат до целната одредница.

ljubojno11

А таму, горе, на преминот, чудесии од дразби – симбиоза на врвови, облаци и многу есен…Најназад секогаш импресивниот Муза, пред него строгиот Голема Грива.

ljubojno12

И мистичното изникнување на домот Големо Езеро, од средето на маглите – апансас се материјализираше пред нас…2.218 надморски метри кои внесуваат спој од див и нескротим немир и спокој, истовремено, во најсредето.

ljubojno13

Сцена и глетка кои те тераат на онтолошки Молк. Неопислива убавина,

ljubojno14

Екипно со мистичните води на Големото…

ljubojno15

Облагородувачки поглед кон Пелагонија над која се разложуваат дебелите облаци – десно благата Мала Грива.

ljubojno16

Заминуваме назад…со Муза, Грива и мистиката кои ги полнат зениците.

ljubojno17

А од стамените врвови на Баба се шират убавини и моќни дразби на сите страни – Преспа како најубава импресија.

ljubojno18

Раскошна убост со есенска одежда…

ljubojno19

Кон осматрачницата со импресивен поглед кон преспанските падини на Баба Планина.

ljubojno20

И збогување со сонцето за тој ден, прекрасна тура, прекрасни глетки, прекрасно искуство.

Фото и текст: Александар Војнески

Коментари

Click to comment

You must be logged in to post a comment Login

Leave a Reply

Најсвеж македонски забавен портал... и нешто повеќе!


Учество во игри на среќа е дозволено за лица со 18+ години. Играј одговорно!

To Top