Актуелно

Во куќа во Тетово запленета дрога вредна 2,5 милиони евра


Во синоќешната акција на Mинистерството за внатрешни работи била откриена лабораторија за синтетичка дрога во Тетово, пренесува „Макфакс“.

Запленети се 125 килограми синтетичка дрога, а вредноста е повеќе од 2,5 милиони евра. Во акцијата се уапсени шест македонски и српски државјани. Ова е најголема количина на синтетичка дрога запленета на Балканот.

Акцијата е спроведена во соработка со ДЕА и истражен тим од Србија.

Обвинителството за гонење организиран криминал и корупција претходно соопшти дека во соработка со Јавното обвинителство за организиран криминал и МВР на Србија откри инсталација на најголема лабораторија за неовластено производство на синтетички дроги во Југоисточна Европа.

„Во текот на вчерашниот ден, на подрачјето на Тетово и Скопје јавното обвинителство во соработка со МВР спроведе акција при што е откриена цела инсталација за неовластено производство на синтетички дроги и се запленети големи количини синтетичка дрога, како и суровини за нејзино производство“, соопшти Обвинителството.

Коментари

Најсвеж македонски забавен портал... и нешто повеќе!


Учество во игри на среќа е дозволено за лица со 18+ години. Играј одговорно!

To Top