Уствари викендов е затишје пред бура! ↓↓↓
Дијана Лебедева, внука на заколнатиот политички и бизнис непријател на Путин, беше пронајдена мртва во автомобил на дното од езерото кај Лугано, Швајцарија.
Гламурозната наследничка која ја нарекуваа руската Лејди Ди, почина на 19-годишна возраст кога со автомобилот излетала од патот и завршила во езерото.
Лебедева беше позната по динамичниот и гламурозен живот, како и доброто чувство за мода. Беше водечка членка на московската „златна младина“, како што ги нарекуваа наследниците на богаташите во Русија.
Нејзиниот дедо, банкарот Платон Лебедев, беше осуден на 11 години затвор поради неплаќање данок, перење пари и проневера, а многумина сметаа дека тоа беше политички мотивиран случај. Од затвор излезе во 2014 година.
Автомобилот BMW X6 го возел нејзиниот пријател Азер Јагубов (23), син на азербејџански бизнисмен. Лебедева и Јагубов во Швајцарија заедно учеа во исто школо, а според неофицијални наводи, автомобилот слетал во езерото додека се тркал со друго возило.
