Илјадници граѓани се собраа на Плоштадот Македонија за пречекот на европските шампиони, ракометарите на Вардар, кои денеска се вратија од Келн.
Откако слетаа на аеродромот „Александар Велики“ нешто пред пладне, каде, исто така, беа пречекани од навивачи, ракометарите со отворен автобус пристигнаа на Плоштадот Македонија, кој беше преполнет од илјадници граѓани.
Ракометарите и стручмиот штаб ги поздравија присутните и заедно го прославија големиот историски успех.
