Научна реалност

Вештачката интелигенција Zebra-Med прегледува резултати и поставува лекарска дијагноза


Zebra Medical Vision е израелски медицински „старт-ап“ кој ја презентираше својата услуга која на корисниците ќе им овозможи пристап до вештачката интелигенција.

За само 1 долар пациентите ќе можат да ги испратат резултатите од прегледите и да добијат преглед од вештачката интелигенција, јави Engadget.

Вештачката интелигенција може да прегледа и дијагностицира резултати од магнетна резонанца и компјутерска томографија. Потоа може да детектира болести на белите дробови, срцето и коските. Овие резултати потоа одат на контрола кај радиолог кој ќе советува соодветен третман.

Во моментов може да детектираат 11 различни болести, а до крајот на 2017 година ќе бидат додадени уште 6. Засега ова не е голема бројка, но секако е показател во која насока ќе се движи здравствената заштита во иднина.

Вештачката интелигенција може многу побрзо и барем подеднакво точно да дијагностицира неколку болести. Во иднина секако вештачката интелигенција ќе станува, подобра и подобра што ќе им остави повеќе време на лекарите за пациентите.

Според најавите, технологијата на Zebra-Med ќе биде достапна и во државите во развој. Ова би можело да овозможува значително подобра здравствена заштита во иднина.


loading...
Најсвеж македонски забавен портал... и нешто повеќе!


Учество во игри на среќа е дозволено за лица со 18+ години. Играј одговорно!

To Top