Спорт

Повредата на Белоти го забрзува трансферот на Несторовски


Познато е дека Торино е силно заинтересиран за македонскиот репрезентативец Илија Несторовски и сака да го донесе напаѓачот во зимскиот преоден рок.

Последните информации од Италија говорат дека „биковите“ сакаат што е можно побрзо да го комплетираат трансферот, а причина за тоа е повредата на Белоти.

Најдобриот напаѓач на „биковите“ се повреди на вчерашниот тренинг и сигурно ќе отсуствува од терените во наредниот месеци, па Михајловиќ сака што е можно поскоро да биде донесена замена.

Несторовски е трансфер цел број еден на Торино, а новодно и претседателот на Палермо, Зампарини е спремен да преговара.

Според некои информации трансферот би требало да изнесува 5 милиони евра плус бонуси, а можно е да се реализира во првите денови од зимскиот преоден рок.

Ова ќе значи враќање во Серија А за македонскиот репрезентативец кој минатата сезона постигна 11 гола за Палермо во италијанската елита.

Коментари

Најсвеж македонски забавен портал... и нешто повеќе!


Учество во игри на среќа е дозволено за лица со 18+ години. Играј одговорно!

To Top