Уствари викендов е затишје пред бура! ↓↓↓
Поранешниот генерален директор на Јувентус и првообвинет во аферата „Калчополи“, Лучијано Моџи не пропушта шанса да го одбрани својот поранешен клуб во медиумите.
На Апенините повторно е актуелизирана темата дека Јувентус има помош од судиите, особено после натпреварот со Наполи, кога гостите јавно ги обвинија судиите за поразот.
Контроверзниот директор Лучано Моџи, кој беше осуден во Калчополи скандалот од 2006, смета дека тоа им е само алиби на останатите клубови.
„Бев на стадионот и не видов причина за ваков бунт. Ми се чини дека Јуве пак им е алиби на лузерите, исто како што беше во 2006. Се враќаме на атмосферата од 2006. Во Италија, да се биде супериорен во однос на другите едноставно не е дозволено”, истакна Моџи.
„Ќе дадам еден пример, на последниот меч Сасуоло-Милан имаше чист пенал за домаќините што не беше досуден и сите го премолчеа. Тоа е сосема нормално, но одредена судиска одлука во корист на Јувентус секогаш крева прашина. Оние кои разбираат фудбал можеби ќе кажат дека Наполи играл добро, но треба да се биде искрен и да се признае дека овој тим нема потенцијал за да освои некој трофеј. Тоа е вистината“, заклучи Моџи.
