„АС“: Мистеријата околу Бејл продолжува!


Вака се слави гол во 120-та минута!!! ↓↓↓


Мистеријата околу повредата на Герет Бејл почнува да ги загрижува сите на „Сантиаго Бернабеу“, пренесува мадридскиот весник „АС“.

Веќе 23 дена напаѓачот на Реал Мадрид е надвор од тимот, но загрижувачки е што се уште не е јасно кога ќе може да се врати на терените.

Официјалната информација од клубот е дека има оток без кинење на мускулот на левата нога, повреда со која Бејл се здоби на натпреварот против Борусија Дортмунд.

„Сочувствувам со Бејл, тој е растревожен поради повредата“, изјави Зинедин Зидан.

За сега од медицинскиот тим на Реал не можат да одредат точен датум кога Велшанецот ќе може да се врати на терените.

Во последните пет сезони Бејл пропушти дури 67 натпревари поради повреда. Минатата сезона тој имаше операција на десниот глужд и беше надвор од терените цели 4 месеци.