Кој ќе тепа на Ел Класико!? ↓↓↓
Прекрасната 27-годишна Бразилка Луана Торес, веднаш по завршувањето на студиите по економија, сфатила дека таа професија не е за неа, па одлучи да стане жена-пилот и да го пропатува светот.
Во меѓувреме, социјалните мрежи станаа нешто без што, очигледно, човештвото не може да живее (така барем си мислат), па и оваа убавица од Рио де Жанеиро стана Инстаграм ѕвезда. Нејзините авантури по светот ги следат над 60.000 луѓе, а досега има посетено 28 земји.
Најчесто се фотографира во кокпитот од хеликоптерите кои го управува, Robinson R22 и Robinson R44.
„Мојот повозрасен брат е пилот и пораснав слушајќи ги неговите приказни за хеликоптерите, а подоцна тој се ожени со жена-пилот, така што тие двајца ми беа пример“, вели Луана.
„Пред да откријам дека сакам да се занимавам со ова, студирав економија, а во текот на еден одмор во Австралија прв пат пробав да управувам хеликоптер. После тоа знаев дека сакам да летам. Штом дипломирав, запишав школа за летање“, раскажува таа.
Своите пилотски авантури брзо почна да ги споделува и документира на Инстаграм, а освен фотографии, често објавува и видео снимки.
„Пилотирам со мали хеликоптери од кои сè се гледа, па дури и она под вас. Можете да слетате каде што сакате и да управувате со нив во секој правец, па дури и наназад“, раскажува Луана, додавајќи дека луѓето често се изненадуваат кога ќе видат дека жена управува со хеликоптер, но тоа не е пречка за неа.
Оваа година таа се омажи и се пресели во САД, но од пилотирањето не планира да се откаже.
