Актуелно

ДИК: СДСМ со 39 градоначалници, ВМРО ДПМНЕ со 3, прегласување во 34 општини!


Државната изборна комисија во текот на денешниот ден постојано ги обновува резултатите од првиот круг на локалните избори, по што најверојатно 39 градоначалници ќе добие СДСМ, додека ВМРО ДПМНЕ само 3. 34 општини ќе одат во втор круг.

Се уште не се знае сигурно дали во Град Скопје, каде кандидатот на СДСМ, Петре Шилегов, по преброени 95,9% од гласовите има убедливо водство, ќе забележи победа во првиот круг.

Покрај во Скопје, што се уште е неофицијално, СДСМ доби градоначалници во уште 38 општини низ Македонија. ВМРО-ДПМНЕ ќе има свој градоначалник во три општини, Демократската унија за интеграција (ДУИ) во две, а Демократската партија на Турците (ДПТ) ќе има градоначалник во една општина. Во две општини, во првиот круг, победија независни градоначалници.

Од досега преброените 99,45% од гласовите, според ДИК 1.026.240 гласови се важечки, додека 45.066 ливчиња биле неважечки.

Вкупната излезност на локалните избори за градоначалници е 59,5%.

СДСМ: 39 градоначалници по првиот круг

Град Скопје (кандидатот на СДСМ води со 50,26% на пребројани 95,9% од гласовите), Ѓорче Петров, Карпош, Центар, Аеродром, Охрид, Струмица, Велес, Куманово, Битола, Прилеп, Ресен, Демир Хисар, Крушево, Арачиново, Кривогаштани, Зелениково, Вевчани, Лозово, Свети Николе, Неготино, Дебарца, Маврово и Ростуша, Конче, Гевгелија, Богданци, Дојран, Валандово, Босилово, Ново Село, Берово, Василево, Радовиш, Пехчево, Делчево, Кочани, К.Паланка, Кратово.

ВМРО-ДПМНЕ: 3 градоначалници по првиот круг

Сопиште, Петровец, Илинден

ДУИ: 2 градоначалници по првиот круг

Кичево, Пласница

ДПТ: 1 градоначалници по првиот круг

Центар Жупа

Независни кандидати: 2 градоначалници по првиот круг

Чучер Сандево, Ранковце

Втор Круг: 34

Гази Баба, Бутел, Кисела Вода, Шуто Оризари, Чаир, Сарај, Тетово, Гостивар, Струга, Јегуновце, Чашка, Росоман, Карбинци, Македонска Каменица, Македонски Брод, Виница, Старо Нагоричане, Градско, Студеничани, Брвеница, Желино, Теарце, Врапчиште, Липково, Могила, Боговиње, Дебар, Кавадарци, Штип, Чешиново Облешево, Пробиштип, Зрновци, Новаци, Демир Капија.

Коментари

loading...
Најсвеж македонски забавен портал... и нешто повеќе!


Учество во игри на среќа е дозволено за лица со 18+ години. Играј одговорно!

To Top