Актуелно

Брат Љубе: Груевски сакал да биде банкар, ама прво мора во „ќорка“


Претседателот на политичката партија Обединети за Македонија, Љубе Бошковски, изјави дека очекува поранешниот премиер на Република Македонија, Никола Груевски, да одговара за криминалите и да заврши во притвор.

Пред истражниот затвор „Шутка“ Груевски на присутните им раскажува како тој ќе се борел за да ги извади луѓето притворени за учество во рушењето на уставно-правниот поредок на Македонија, а според сите прописи тоа треба да биде негов иден дом, рече претседателот на Обединети за Македонија, Љубе Бошкоски.

„Најблиските негови соработници не отидоа ниту на таканаречениот Конгрес на ВМРО-ДПМНЕ во Валандово“, рече Бошкоски.

„Откако сфати дека нема биде лидер, на Груевски му текнало дека сака да биде банкар. Тоа ме потсети на скечот на српскиот глумец Шојиќ, кој му вели на Пантиќ дека сакал да биде капетан на бела лаѓа, но пред тоа мора во ќорка“, се пошегува Бошкоски.

Тој додаде дека на Обединети за Македонија не им треба Конгрес ниту свечености за да го преземе членството на ВМРО-ДПМНЕ, кое што секојдневно преминува во таа партија.

„Им порачуваме на нашите браќа од ВМРО, вратите на Обединети за Македонија се ширум отворени, затоа што ние сме ВМРО. Ги повикуваме масовно да се приклучуваат и ги разбираме нивните проблеми со кои се соочени“, оцени Бошкоски.

На отворањето на штабот на Обединети за Македонија во Кисела Вода тој кажа дека имаат јасна визија за Македонија, дека знаат како треба да се гради земјата и со какви проблеми е соочена. Најави дека имаат решенија за тие проблеми.

„Како десничарска, демохристијанска партија ќе направиме сè за да го вратиме достојниот живот во Македонија, кој е изгубен“, рече Бошкоски.

Коментари

Најсвеж македонски забавен портал... и нешто повеќе!


Учество во игри на среќа е дозволено за лица со 18+ години. Играј одговорно!

To Top