Актуелно

„Земјотресот“ на Вол Стрит ги тресе и европските берзи


После намалувањето на индексот на фамозниот Вол Стрит и другите берзи ширум светот, стрмоглав пад на цените на акциите е забележан и на европските. Инвеститорите стравуваат од засилување на инфлација и зголемување на каматните стапки.

„STOXX 600“ индексот, кој е водечки на европската берза, падна за 2,6 проценти забележувајќи пад седми ден по ред. Лондонскиот „FTSE“ падна на 7.192 поени, додека парискиот „CAC“ лизна за 1,85 проценти на 5.185 бодови, а франкуртскиот DAX за 2,05 проценти на 12,434 бодови.

Падот на цените на европската берза следи по потопот на Волстрит, каде индексот „Dow Jones“ и „S&P 500“,  вчера потонаа за повеќе од 4 отсто, што е нивен најголем дневен пад од 2011 година, кога на пазарите владееше паника поради должничката криза во еврозоната и намалување на кредитниот рејтинг на САД.

Коментари

loading...
Најсвеж македонски забавен портал... и нешто повеќе!


Учество во игри на среќа е дозволено за лица со 18+ години. Играј одговорно!

To Top